zk: 04 (2021): Jazz-hitz 04
Jazz-hitz jazz musikaren inguruko ikerketa aldizkaria da, Musikene-Euskal Herriko Musika ikastegiaren Jazz Departamentuak bultzatua eta musika genero horri lotutako zientzia-lanak oso ikuspegi zabaletik argitaratzeko asmoa duena.
Aldizkaria irauteko bokazioz jaio da, urtean behin emango delarik argitara; nazioarteko komunitatearen interesa pizteko bokazioa ere baduenez herrialde eta hizkuntza ezberdinetako kolaboratzaileei irekitzen die bere ateak.
Jazz-hitz aldizkariaren 4. aleak askotariko izaera du, eta beraz askotariko gaiak jorratzen ditu: jazzaren historiako figura garrantzitsu batzuei buruzko artikuluetatik hasi, eta genero horrek argazkigintzarekin eta literaturarekin duen harremana ardatz duten beste batzuetara, edo Espainiako esparru geografikoan bere historiaren zenbait alderditan sakontzen duten artikuluetara.
